May 14, 2007

سنعوووود بعد الفاصل

أيها المدونون والمدونات
بكل أسف
وبقلب يحطمة الألم
وبدموع باكية
وبتنهيدات حارة
أعلن لكم
أغلاق البلوج للأبد
مارشات عسكرية ......... وقرأن
-----------
أية دة يا أباصيرى؟؟؟ هتقفل البلوج اللى بيجمعنا
هتسيب البلوج اللى أتعرفت فية على أحلى ناس فى مصر
الناس دول خلوك تفكر، تشغل دماغك، تقرا فى حاجات عمرك ماسمعت عنها
طيب هيهونوا عليك الناس اللى كنت بترسم البسمة على وشهم
دة أنت نفسك لما كنت بتتخنق كنت بتقرا البوستات وتفتكر فضايحك عشان تضحك
معقول تسيب كل دة وتمشى كدة بسهولة
طيب أعمل اية!! مزنوق فى الشغل، وصعب انى اتابع البلوج زى الأول
ومش عايز أقصر فى حق الشغل
خلاص عندى فكرة كويسة!! أول لما تخلص زنقة الشغل ودى بالكتير شهر
أرجع تانى للبلوج وكمل يومياتك زى الأول
بس مين هيقول للمدونين أنى رجعت!! دول شوية وهينسونى
أمممممممم
خلاص المدونين عندهم حل من أتنين عشان أول لما ترجع تقولهم
يإما يسجلوا فى قائمة الأيميلات اللى على اليمين دى وأول لما ترجع تبعتلهم أيميلات
أو يضيفوك عندهم عشان تتعرفوا ببعض وتعرفوا أخبار بعض أول باول
خلاص تمام.. انا موافق
يعنى بالعربى كدة.. الموقع هيبقى مفيهوش جديد لمدة شهر تقريبا
طبعا المدة ممكن تكون أطول أو اقل من كدة
وياريت المدونين اللى عايزين يتابعونى يضيفونى على الأيميل دة

43 comments:

admelmasry said...

ترجع بالسلامة يا برنس

رينـــــــــــا said...

ربنا معاك
بس متزودش عن كدا
ديل؟

Ma 3lina said...

والله يا بنى انا كل اسبوع كدا تقريبا اخش اشوف فيه اى حاجة جديدة ملقيش غير الصورة اياها هههههههه

انت متاخر اوى مش تقول من زمان بدل المشاويردى كلها

ربنا معاك

يا مراكبي said...

الحمد لله .. جت من عند ربنا

أهي فرصة الواحد يلغيك من الفيفوريت بدل ما كل ما أخش عندك وأتزحلق في قشرة موز وألا ألاقي بمبة بتفرقع

شلة المدونين المصريين اللي في الكويت هتتقابل كلها الشهر اللي جاي وهيبقى تجمع كبير جدا .. هأبقى أقولك على الإيميل

هما أصلا تلاتة بس يعني

خمسة فضفضة said...

السلام عليكم ورحمة الله وبركاته

مع السلامه ، ما تقطعش الجوابات ...اقصد الايميلات ..هههههه

كل ما ادخل هنا الاقي اخينا المقرف اياه
اقوم قافله الصفحه بسرعه لا حاجه تنط فوشي ، فكويس انك حطيت موضوع جديد بصوره تانيه علشان لما نيجي نطمن عليك نبقي في امان ...هههههه

ترجع بالسلامة ان شاء الله


تحياتي

انتظار مؤقت said...

انا حاسس ان وشي فقر اول مره ادخل عندك الاقيك مشيت عموما انا معتصم في المدونه لغاية ما ترجع و تمشينا

شيماء الجيزى said...

يا عمنا
احنا متابعينك على طول
متخافش
وترجعلنا بالف سلامه
وميحرمناش من فضايح الاباصيرى ابدا
متخافش مبننساش حد ابدا
:d

Esmeralda said...

ربنا يفك حبسك

مستنييييييييييييين :)

عاشقة الوطن said...

اولا حمدلله على السلامة ياأباصيري

ثانيا بقي وده المهم يعنى ايه فكرت تقفل المدونة وبعدين رجعت فى الكلامك

مرة تانية لو فكرت فى كده انت حر
حسابك معايا هيكون عسير جداااا

وبعدين يسيدى احنا منقدرش ننساك ابدا احنا عندك على طووووووول

احنا منستغناش ياخويا ابدا

متفكرش فى كده تانى
مااااااااااشي

يبقي متفقين

هو ده الكلام المظبوط

يالا بقي سلااااااام

تائهة فى أرض الأحلام said...

فى انتظارك مش بعد لما لاقيت لك جمهور تسيبه وتمشى
عيب كدة

sakayar said...

اشرب مانجا وكل من خيري .... ونادي معايا ع الأباصيري
ههههههههه
ترجع بالسلامة يا حاااااج
منتظرينك

Unknown said...

ترجع بالسلامه ان شاء الله
والحمدلله انك عقلت وماقفلتوش
ربنا معاك

كراكيب عادل said...

انا احلي حاجة فرحتني ان الصورة الفقرية اتزاحت تحت شوية الي لازقها علي بوابة المدونة دي

هي اصلا نحست المدونة

هههههههههههههههههههه

ماشي يا عم المزنوق

قال يعني هو بس الي شغال مكلنا مزنوقين

عموما ترجع بالسلامة

Amyra said...

هههه...تروح و ترجع بالسلامة يا رب
:))))))

Amr Ahmed said...

ربنا معاك

ترجع بالسلامة

نفسنا said...

تم أفتتاح العدد الأول من مجلة نفسنا
نتمنى منكم زيارتنا

بنوتة من وسط البلد said...

30 يوم مرة واحدة
ليه كده بس يا اباصيري, انت حرقت شنب حد ولا ايه :) ؟

ترجع بالسلامة

bastokka طهقانة said...

ههههييييييه
فرحتني
اخيرا حرتاح منك
نياهاهاهاي


متتاخرش فاهم
اوروفوار

Nadine Alfred said...

ماااااااشى
هنسامحك المرة دى
بس اوعاك يا اباصيرى تستحلى البعاد و تنسى البلوج
متعوقش

و سلام مربع للجدعان

عاشقة الوطن said...

أباصيري
ازيك عامل ايه يابنى وازى شغلك

يارب تكون بخير انا قلت أطمأن عليك فى السريع فى وسط زحمة الامتحانات

دعواتك ياأباصيري

سلاااااااام

Ahmad Hegab said...

روووح يا برنس و خلى بالك من الشغل و احنا مستنينك
بس سيبلى مفتاح البلوج على الفيسبوك علشان لو حبيت انضفه ولا حاجة

heba said...

تروح وتيجي بالسلامة يا مستر أباصيري
ولغاية ما تيجي تاني ملكش دعوة بحد كفاية اللي حصل هنا في المدونة

ومش هننساك ابداً
سلاااااااااااام علطول

bastokka طهقانة said...

نط بالبراشوت عندي
عايزاك


اوروفوار

Anonymous said...

السلام عليكم

ترجع بالسلامة
وتخلص شغل على خييييررررر

وماتخافش
محدجش حينساك
ولا حينسى
مغامراتك

سلاماتى وتحياتى

koukawy said...

ترجع بالسلامه انشالله

خليك فى البيت said...

ندعوكم لزيارة مدونة خليك فى البيت والمشاركة فى الحملة

shabfa2re said...

ايه حكاية الانتخة اللى مسكتنا كلنا دى

طهقان said...

لا
كله
إلا الشغل

كل شيء بيروح
إلا الشغل
زوجة
بتروح
عقد بيروح
صحة بتروح
كلو إلا الشغل


اسمع نصيحتي

عاشقة الوطن said...

ازيك ياأباصيري ايه اخبارك
واخبار شغلك ايه
طمانا عليك
يارب تكون بخير

سلاااام

мσнη∂ιš said...

ربنا معاك يا باشا، بس اياك تعملها جد، هو شهر مفيش غيره ، تروح و تيجي بالسلامة.

مدونة كسبان said...

تزعلنى يااباصيرى كده الساعه
4
الصبح

بزعللل انا لما حد يسيب التدوين

عموما احنا فى انتظارك

mesh2dra said...

السلام عليكم

أول جملة صدمتني
ولو كنت قدامي ساعتها كنت
حدفتك بحاجة اكيييد

ده انا لسه من عند مهاجر مصري اللي عاوز يسيب التوين
ورديت سيادتك عليه بانك بتتضايق لما حد يسيبه
فعلا كان زمانهم بيقروا الفاتحة عليك
بس طلعت بتهزر
احمد ربنا اتكتب لك عمر جديد

ماتخافش حندخل على بلوجتك
مش حنسيبها لوحدها
وراها بلوجات جامدة

ربنا يقويك

سلاماتي

عاشقة الوطن said...

السلام عليكم

ازيك يااباصيري ايه اخبارك
انت لسه مش ناوى تكتب تانى ولا ايه
احنا منتظرين كتاباتك قريب ان شاء الله
وربنا معاك ويوفقك

كل سنة وانت طيب

الغرباوي said...

ترجع بالسلامه يا بصبص يا غاللللي

رفقة عمر said...

كل سنه وانت طيب
يمكن اول مرة ادخل مدونتك لان صورة لبروفيل كانت بتنرفزنى جدا
بس مش عارفه ليه دخلت لنهاردة بس بجد زعلت لما لاقيت اخر بوست لك من اربع شهور
ياريت ترجع مع بدايه العيد
وانا متاكدة انك هاتلاقى وقت لتكتب اى حاجه
ربنا يوفقك ويكرمك اللهم امين يارب العالمين

كلبوزة لكن سمباتيك said...

شايلالك طبق الكحك بتاعك ترجع بالسلامة

Hannoda said...

ترجع بالسلامة و دايما حاجي أشوفك راجع امتى

مش عارفة ايه اللي توهني عن المدونة ده من زمان

:)))
تحياتي

shabfa2re said...

مستنيينك
وهترجع

MerMaid said...

لما ترجع بالسلامة


لاوم تيجي تزور مدونتي


ان شاء الله تيجي بسرعة

Memo said...

عود يا رامي

Unknown said...

يابنى مانت على طول قاعد ع الفيس بوك .. اتكرم واكتبلنا اى بوست كدة بقا

ايه الناس دى
:D

OldCatLady said...

غيبتك طولت فعلا يا أباصيرى

شكل الدنيا و الشغل كده عامل عمايلو معاك....ربنا معاك و ترجع للمدونة تانى...
:)

Bongo said...

ياااااه
البوست ده من شهر 5 , 2007

ده مش شهر دي سنة !!

دي اول زيارة ليا في المدونة ألاقيها فاضية كده :P