سنعوووود بعد الفاصل
أيها المدونون والمدونات
بكل أسف
وبقلب يحطمة الألم
وبدموع باكية
وبتنهيدات حارة
أعلن لكم
أغلاق البلوج للأبد
مارشات عسكرية ......... وقرأن
-----------
أية دة يا أباصيرى؟؟؟ هتقفل البلوج اللى بيجمعنا
هتسيب البلوج اللى أتعرفت فية على أحلى ناس فى مصر
الناس دول خلوك تفكر، تشغل دماغك، تقرا فى حاجات عمرك ماسمعت عنها
طيب هيهونوا عليك الناس اللى كنت بترسم البسمة على وشهم
دة أنت نفسك لما كنت بتتخنق كنت بتقرا البوستات وتفتكر فضايحك عشان تضحك
معقول تسيب كل دة وتمشى كدة بسهولة
طيب أعمل اية!! مزنوق فى الشغل، وصعب انى اتابع البلوج زى الأول
ومش عايز أقصر فى حق الشغل
خلاص عندى فكرة كويسة!! أول لما تخلص زنقة الشغل ودى بالكتير شهر
أرجع تانى للبلوج وكمل يومياتك زى الأول
بس مين هيقول للمدونين أنى رجعت!! دول شوية وهينسونى
أمممممممم
خلاص المدونين عندهم حل من أتنين عشان أول لما ترجع تقولهم
يإما يسجلوا فى قائمة الأيميلات اللى على اليمين دى وأول لما ترجع تبعتلهم أيميلات
أو يضيفوك عندهم عشان تتعرفوا ببعض وتعرفوا أخبار بعض أول باول
خلاص تمام.. انا موافق
يعنى بالعربى كدة.. الموقع هيبقى مفيهوش جديد لمدة شهر تقريبا
طبعا المدة ممكن تكون أطول أو اقل من كدة
وياريت المدونين اللى عايزين يتابعونى يضيفونى على الأيميل دة
43 comments:
ترجع بالسلامة يا برنس
ربنا معاك
بس متزودش عن كدا
ديل؟
والله يا بنى انا كل اسبوع كدا تقريبا اخش اشوف فيه اى حاجة جديدة ملقيش غير الصورة اياها هههههههه
انت متاخر اوى مش تقول من زمان بدل المشاويردى كلها
ربنا معاك
الحمد لله .. جت من عند ربنا
أهي فرصة الواحد يلغيك من الفيفوريت بدل ما كل ما أخش عندك وأتزحلق في قشرة موز وألا ألاقي بمبة بتفرقع
شلة المدونين المصريين اللي في الكويت هتتقابل كلها الشهر اللي جاي وهيبقى تجمع كبير جدا .. هأبقى أقولك على الإيميل
هما أصلا تلاتة بس يعني
السلام عليكم ورحمة الله وبركاته
مع السلامه ، ما تقطعش الجوابات ...اقصد الايميلات ..هههههه
كل ما ادخل هنا الاقي اخينا المقرف اياه
اقوم قافله الصفحه بسرعه لا حاجه تنط فوشي ، فكويس انك حطيت موضوع جديد بصوره تانيه علشان لما نيجي نطمن عليك نبقي في امان ...هههههه
ترجع بالسلامة ان شاء الله
تحياتي
انا حاسس ان وشي فقر اول مره ادخل عندك الاقيك مشيت عموما انا معتصم في المدونه لغاية ما ترجع و تمشينا
يا عمنا
احنا متابعينك على طول
متخافش
وترجعلنا بالف سلامه
وميحرمناش من فضايح الاباصيرى ابدا
متخافش مبننساش حد ابدا
:d
ربنا يفك حبسك
مستنييييييييييييين :)
اولا حمدلله على السلامة ياأباصيري
ثانيا بقي وده المهم يعنى ايه فكرت تقفل المدونة وبعدين رجعت فى الكلامك
مرة تانية لو فكرت فى كده انت حر
حسابك معايا هيكون عسير جداااا
وبعدين يسيدى احنا منقدرش ننساك ابدا احنا عندك على طووووووول
احنا منستغناش ياخويا ابدا
متفكرش فى كده تانى
مااااااااااشي
يبقي متفقين
هو ده الكلام المظبوط
يالا بقي سلااااااام
فى انتظارك مش بعد لما لاقيت لك جمهور تسيبه وتمشى
عيب كدة
اشرب مانجا وكل من خيري .... ونادي معايا ع الأباصيري
ههههههههه
ترجع بالسلامة يا حاااااج
منتظرينك
ترجع بالسلامه ان شاء الله
والحمدلله انك عقلت وماقفلتوش
ربنا معاك
انا احلي حاجة فرحتني ان الصورة الفقرية اتزاحت تحت شوية الي لازقها علي بوابة المدونة دي
هي اصلا نحست المدونة
هههههههههههههههههههه
ماشي يا عم المزنوق
قال يعني هو بس الي شغال مكلنا مزنوقين
عموما ترجع بالسلامة
هههه...تروح و ترجع بالسلامة يا رب
:))))))
ربنا معاك
ترجع بالسلامة
تم أفتتاح العدد الأول من مجلة نفسنا
نتمنى منكم زيارتنا
30 يوم مرة واحدة
ليه كده بس يا اباصيري, انت حرقت شنب حد ولا ايه :) ؟
ترجع بالسلامة
ههههييييييه
فرحتني
اخيرا حرتاح منك
نياهاهاهاي
متتاخرش فاهم
اوروفوار
ماااااااشى
هنسامحك المرة دى
بس اوعاك يا اباصيرى تستحلى البعاد و تنسى البلوج
متعوقش
و سلام مربع للجدعان
أباصيري
ازيك عامل ايه يابنى وازى شغلك
يارب تكون بخير انا قلت أطمأن عليك فى السريع فى وسط زحمة الامتحانات
دعواتك ياأباصيري
سلاااااااام
روووح يا برنس و خلى بالك من الشغل و احنا مستنينك
بس سيبلى مفتاح البلوج على الفيسبوك علشان لو حبيت انضفه ولا حاجة
تروح وتيجي بالسلامة يا مستر أباصيري
ولغاية ما تيجي تاني ملكش دعوة بحد كفاية اللي حصل هنا في المدونة
ومش هننساك ابداً
سلاااااااااااام علطول
نط بالبراشوت عندي
عايزاك
اوروفوار
السلام عليكم
ترجع بالسلامة
وتخلص شغل على خييييررررر
وماتخافش
محدجش حينساك
ولا حينسى
مغامراتك
سلاماتى وتحياتى
ترجع بالسلامه انشالله
ندعوكم لزيارة مدونة خليك فى البيت والمشاركة فى الحملة
ايه حكاية الانتخة اللى مسكتنا كلنا دى
لا
كله
إلا الشغل
كل شيء بيروح
إلا الشغل
زوجة
بتروح
عقد بيروح
صحة بتروح
كلو إلا الشغل
اسمع نصيحتي
ازيك ياأباصيري ايه اخبارك
واخبار شغلك ايه
طمانا عليك
يارب تكون بخير
سلاااام
ربنا معاك يا باشا، بس اياك تعملها جد، هو شهر مفيش غيره ، تروح و تيجي بالسلامة.
تزعلنى يااباصيرى كده الساعه
4
الصبح
بزعللل انا لما حد يسيب التدوين
عموما احنا فى انتظارك
السلام عليكم
أول جملة صدمتني
ولو كنت قدامي ساعتها كنت
حدفتك بحاجة اكيييد
ده انا لسه من عند مهاجر مصري اللي عاوز يسيب التوين
ورديت سيادتك عليه بانك بتتضايق لما حد يسيبه
فعلا كان زمانهم بيقروا الفاتحة عليك
بس طلعت بتهزر
احمد ربنا اتكتب لك عمر جديد
ماتخافش حندخل على بلوجتك
مش حنسيبها لوحدها
وراها بلوجات جامدة
ربنا يقويك
سلاماتي
السلام عليكم
ازيك يااباصيري ايه اخبارك
انت لسه مش ناوى تكتب تانى ولا ايه
احنا منتظرين كتاباتك قريب ان شاء الله
وربنا معاك ويوفقك
كل سنة وانت طيب
ترجع بالسلامه يا بصبص يا غاللللي
كل سنه وانت طيب
يمكن اول مرة ادخل مدونتك لان صورة لبروفيل كانت بتنرفزنى جدا
بس مش عارفه ليه دخلت لنهاردة بس بجد زعلت لما لاقيت اخر بوست لك من اربع شهور
ياريت ترجع مع بدايه العيد
وانا متاكدة انك هاتلاقى وقت لتكتب اى حاجه
ربنا يوفقك ويكرمك اللهم امين يارب العالمين
شايلالك طبق الكحك بتاعك ترجع بالسلامة
ترجع بالسلامة و دايما حاجي أشوفك راجع امتى
مش عارفة ايه اللي توهني عن المدونة ده من زمان
:)))
تحياتي
مستنيينك
وهترجع
لما ترجع بالسلامة
لاوم تيجي تزور مدونتي
ان شاء الله تيجي بسرعة
عود يا رامي
يابنى مانت على طول قاعد ع الفيس بوك .. اتكرم واكتبلنا اى بوست كدة بقا
ايه الناس دى
:D
غيبتك طولت فعلا يا أباصيرى
شكل الدنيا و الشغل كده عامل عمايلو معاك....ربنا معاك و ترجع للمدونة تانى...
:)
ياااااه
البوست ده من شهر 5 , 2007
ده مش شهر دي سنة !!
دي اول زيارة ليا في المدونة ألاقيها فاضية كده :P
Post a Comment