Sorry Cupid... She Killed Us
كيوبيد أتقتل فى عيد الحب
Sorry Cupid... She Killed Us
***********
أعتزال رجل
وأخيراً
قررت الاعتزال
وتــــرك الحـــــب
ومطــــــــــاردة الخيـــــــال
فقد عرفت الآن أن الحــــب وهمــــــاً
والبحــــث عنــه غبــــاء
لم اعد أؤمن بالحـــب
ولا بــــا لنـســـــاء
لـم يعـد هنـاك شـئ يـسـتحـــق
وانتــهى من قــاموس الحــب
ما يسمــــــــى صـــــدق
فكــــل امرأة أحببتها
وعشـــقتهــــــــــــــــــا
تركتــــــتني وحـــــيداً
وحــــــــــزينــــاَ
لم أجد من يرحم دمـــوعي
وأطفأ الغدر شموعي
فما أصعب أن يبكي رجلاً
بكــــــاء الأطفال
من اجـل شـئ تــافــه
ليـــــــال ٍ طوال
فلمــــاذا الحب إذاً
فقد اكتفيت من الأوهام
وإذا أخطأت وأحببت
ســأحـــــــــب.. لكن
سيكــــون في الأحلام
فـــلا توجـــد امرأة
تستحق من اجلها
أن أبقــــــــــى
ســــــــــــــــاهراً
لا أنـــــــــــــــام
أليس هذا وقت الاعتزال ؟؟؟
29 comments:
الاباصيرى
مالكوا يا ولاد مصر
اروح عند ياسمين
skylight
الاقيها بتشتم فى عيد الحب اجى عند استاذ التهريج بتاع المدونيين الاقيه بيشتم فى الحب ليه كده
عموما طول ما احنا عايشيين هيفضل فى حب ومتخافش لازم هييجى اليوم اللى تقابل فيه الحب الحقيقى بس متعملش زيى وتضيعه من ايدك
مصر هى أمى
صدقنى انا عارف ان التدوينة دة هتزعل ناس كتير منى بس أنا بقول اللى جوايا
مش معقول اكون مجروح من جوة وأقول أنا فرحان
أنا مش بشتم الحب
أنا مؤمن بالحب.. وأنة موجود
بس أنا فشلت وأتجرحت
وبعدين اعتبر البوست دة فقرة أعلانية وسنعود للتهريج بعد الفاصل
والبوست الجاى بتاع الفضايح اللى أنت مستنيها
أسف للجميع مرة تانية...
اسف عن ايه يا عم ايوووووه هو ده وقت الأعتزال وانك تدور على الحب شىء غبى طبعا انت سيب نفسك خالص بس انت استرخى وعيش زى منتا على طبيعتك وطبعا مفيش واحده تستاهل دموعك يا جميل انت يا مقطقط اكسر وراها مليون اوله الفكره مش ان مفيش بنات تستاهل الفكره ان الأفكار الى فى دماغ المرحله سواء بنات ولا ولااد بقت مسممه ومفيش مبادىء يؤمنو بيها الشىء الى جواهم مش صادق وعشان كده ديما مقلقهم
وطبعا اهم حاجه ان الى جواك يطلع مش تبأه حزين ويبان انك فرحان حلوه جدا
اه وهو ده الوقت المناسب لللأعتزال ريح يا عم واهم حاجه انك عملت لنفسك تاريخ وسط الناس سينما نضيفه يعنى
لو كان لى قلب كنت قلتلك قلبى معاك
لكن اللى اقدر اقوله ان الحب فعلا وهم كبير
انت عندك حق
انت صح
23 سنة و بتعتزل
دة بدرى اوى عليك
المشكلة ان الستات تقول مفيش حب و ده وهم و الرجالة بردو بتقول كدة
المشكلة فالشيطان اللى بيخلينا نفسد كل شىء جميل
وقت الاعتزال في وقت الاختفال
قمه المفارقات يا رامي
اجمل هديه لكل البنات ف الفالنتين
ياساتر ....ليه كده ؟؟
انا اول مرة اجي عندك الاقي كل ده؟؟
لا يارامي الحب مش وهم وبكرا لما تلاقيه بجد هتعرف قد ايه كنت غلطان
انت بس تفااااااااائل
هو في ايه النهاردة
انا كل ما ازور بلوج الاقي شتيمة في الحب و سنينه .. حتى الحاجة الحلوة الوحيدة في حياتهنا بقت مأساه
يا راجل دي اول زياردة ليا .. ملاقيش عندك حاجة تفرحنى
جدع يا اباصيرى يا خويا
انك بتعبر عن اللى جواك و عجبنى روح القتال
بس ماتخدش الحياة قفش كدا
لا مش وقت الاعتزال طبعا
انت زى بالظبط لسة مقبلتش الحب اللى بجد
و انا شايف انه لسه عليه شوية كمان
اتقل على الرز يستوى يا ابو نسمة و يا ريت تسلملى على نسمة و تقولها أنكل أتش بيسلم عليكى
جميل اوى جو النكد السائد دة بجد...
لا حقيقى شعب هايل..
لية منعملش زى الفلانتاين يوم للنكد ويوم للحزن ويوم للخناق..ويوم للقلوب المكسورة ويوم للقلوب المعذبة..
ويوم وهم الحب..وكدة؟
انا حسيت بجرحك..بس صدقنى الحرج فى حد ذاتة مكسب...
الى مات منك هوا الجزء الضعيف بس..انت اقوى استمر...
معلش يااباصيري ربنا معاك ياخويا
انت شكلك مضايق وزعلان جامد
بس ليه كده انت حبيت كام واحدة بالظبط
بس معقول كلهم وحشيين
طيب ازاى ده بس
سلاااااااااام
بتهيقى المسألة مسألة نسبية
زى مافى بنت متستهالش فى ولد ميستاهلش
والعكس موجود
تحياتى
تصدق ان اليوم ده هو فعلاً انسب يوم ان كل واحد يطلع اللي جواه يعني لو بيحب يعلن حبه ويقول للعالم كله انه بيحب ولو انجرح او انفصل او كده برده ده انسب وقت انه يعلن عن اللي جواه بس اهم حاجة .. انه يطلع وميخبيش ويكون صادق مع نفسه قبل ما يكون صادق مع اللي حواليه وربنا يرزقك بالفتاة المناسبة اللي تسعدك وتسعدها وكل سنة وانت طيب
على راي ستات البيوت
قطيعة ياختي تقطع الحب و سنينه
تمام كدة يا برنس و بصراحة الاعتزال لازم يكون اختياري بدل مايحصل غصب عن الواحد
أنا مقدرة جرحك جدا بس الوهم هو انك تلاقي الحب بين اتنين و ينجح كمان ويستمر
لكن ان الحب نفسه وهم؟؟
لأ أنا مش معاك الحب موجود في قلوب ناس كتير
حتى اللي بيخونوا.. ماتستبعدش ان جوه قلوبهم حب أول خلاهم مش عارفين يخلصوا
مش عاوزة أطول عليك.. انت من حق مشاعرك عليك انت تثور و تعتزل و ترضي الجرح اللي جواك بكل الطرق
بس لما تهدى و تلاقي حب صافي بيتودد ليك استجيبله و ماتصممش ع الاعتزال .. لعل و عسى
ياريت تقرى البوست بتاع Sharm
وقلبي معاك
Camera_girl
ياسمين
Fancy
كتيبة الضحك
نضال
Sharm
Ahmed_H
-=- ELGaZaLy -=-
عاشقة الوطن
الوردة السودة
Shams
على الألفى
hanooda
بجد كلامكم أثر فيا كتير
كل واحد فيكم كان لة فكر ورأى مختلف
ياسمين الوحيدة اللى حست بجرحى
لانة للأسف شكلها جربتة
لكن أغلبكم نصحنى أنى أعدى جرحى وأعيش حياتى عادى
بس الموضوع مش بالسهولة دى
أنا بحاول أتأقلم وأعيش حياتى بس للأسف كانت هديتى فى الفالنتين خبر خطوبتها
بجد الموضوع صعب أنى اشرحة ويمكن اللى جرب الجرح دة يحس بية كويس
انا أسف انى قلبتها نكد فى عيد الحب
وأسف مش هقدر أرد على كل واحد لان الموضوع مينفعش فية كلام ورد
الموضوع خلص وأنتهى ولازم أشوف حياتى وأكمل مستقبلى لوحدى
تعازى الحارة للمجروحين أمثالى
ونعود للتهريج فى البوست القادم
اباصيرى
اعتزل يا خويا
او اقلك دور على عقد احتراف بره يمكن الحياه تظبط هناك
عارف الواحد بينجرح و بيقابل الوحش فى حياتة علشان لما يقابل الحلو يعرف طعمة و يقدرة و يحس بيه بجد
متخليش حاجة أو حد يعقدك و أكيد أنت مقابلتش كل الناس الكويسيين! طبعا الضربة الى متموتش تقوى لكن كمان أكيد بكرة حتقابل الحد الى بيدور عليك
تحياتى
وهم ايه بس
دا انت اللي عايش في وهم ان الحب وهم
على فكره بقى حقيقي جدا .. ومهما هناخد منه فوق دماغنا هيفضل موجود وهيفضل املنا اننا نعيش القصه بتاعتنا وتكون احلى قصه في الدنيا كلها .. اصبر بس قصتك جايالك
لأ بقى .. إعتزال إيه اللى إنت جاي تقول عليه .. لو هاتستسلم كده من أول مره أو من أول موقف يبقى إعمل حسابك إنك هاتعتزل كتيييير .. لحد ما تزهق من الإعتزال
وعلى رأي المثل
لو كل واحد عزل من البيت علشان ساكن تحتيه واحدة رقاصة .. إلخ المثل
فى الاول اقلك كل سنة و انت طيب
مع انها جت متأخرة شوية معلش كان فيه ظروف
انا برضه من الناس اللى بتنتقد عيد الحب و كلام من ده
بس حاسس انك بتنتقد البنات عموما
ايه هو فيه حكاية و الا ايه
وراك يا ريس
اعذرنى اضطرت ادبسك فى التاج معلش اصل الصورة اللى انت حطتها بتعجبنى وممكن نعرفها من التاج اللى عندى تقدر تاخذ الاسئلة من عندى
اعذرنى
معلش متزعلش مني بس انا لما قريت تدوينتك ضحكت
متفهمنيش غلط والله
بس انت شاب 23 سنة يعني مستحيل تعتزل عايز تعمل زي الممثلين اللي بيعتزلو و يرجعو
اصل الحب ده قدرك
و المرأة نصيبك
ولا يهمك حتقابل الانسانة المناسبة في الوقت الصح
دي ازمة بسيطة و حتعدي
الحياة لا تقف عند انسان مهما كان و الحب لا يدمره انسان مهما كان
"ليس هي من تقول لك من تكون
انت تعرف من تكون
تحياتي
الصوره صعبه أوي, صعبه جدا كمان.
بس أنا ضد اللي مكتوب, مش عشان حد وحش يخلينا نغير رأينا في الحب أو الحياه, لو عملنا كده يبقي هو فعلا انتصر علينا لأنه قدر يغيرنا, لكن لو فضلنا زي ماحنا يبقي احنا الي انتصرنا وهو اللي خسر واحنا ماخسرناش غير ماضي وأيام عدت كده كده مش هترجع سواء كانت حلوه أو وحشه.
الكلام حلو قوىىى قوىىى بغض النظر عن اختلافى معاك فى الفكرة ، لا طبعا الحب موجود و الدليل على كده انك اتجرحت ، ان شاء الله هتحب تانى و تنسى .....بس بجد كلام تحفة
أعتقد اني حاسة بيك على فكرة بس الجرح لما بيبرد بيهون .. وأتمنالك انه يهون قريب
ووحشتنا على فكرة و كل شوية أقول راح فين الأباصيري فآجي ألاقيك لسة في الصمت
ايه... بطن الشاعر فاضية؟؟؟
:))
في انتظار البوست
مش عارف ياجماعة أية اللى حصل وخلانى أقلبها ضلمة فى عيد الحب
بس معلش مقدرتش اسكت وكنت محتاج أطلع اللى جوايا يمكن يساعد شوية
بقالى حوالى 10 ايام بحلم بيها يوميا لدرجت انى بقيت بكرة النوم عشان عارف أنى هحلم بيها وأقوم من النوم مخنوق
كلامكم بجد فرق معايا كتير
وياريت الجرح يبرد بسرعة قبل مايحرقنى كلى
بجد شكرا ليكم ومعلش لو كنت خنقتكم بالبوست دة
: )
صح كلامك صح اوىىى
Post a Comment